बसले आज पुन्हा लिहायला
शब्दांनी पुकारले बंड
वाटले मनीचा सूर हरवला
जणू अंतरातील धग झाली थंड...
ऊन सावलीचा खेळ सारा हा
कधी श्रावण कधी वसंत
एकमेकांवर मात कराया
ऋतूंस मिळेना उसंत...
तरी पुन्हा पुन्हा तिकडेच पळे
जसे उनाड वासरू
मनं भिरभिरे वार्यासंगे रे
झाले जणू वेडे पाखरु...
अक्षराला जुळे एकेक अक्षरं
शब्दांचे पडति सडे
शब्दं आला मागे सूर घेवोनि
मनी गाणे उलगडे...
- सोनल मोडक
No comments:
Post a Comment