तुझे ओठ गाती मुके गीत जेव्हा
तुझा शब्द भिडतो मनाच्या तळाशी
तुझा रंग अंगावरी सांडलेला
तुझा गंध भिनतो मनाच्या कळ्यांशी.....
दिले स्वप्नं गुलजार नाजुक भोळे
गुलाबी पहाटे गुलाबी क्षणांनी
कळी पाकळी उमलते मोहरुन
कळ्यांची फुले झाली स्वप्नील नयनी.....
बनी वाजवितो निळा कृष्णं वेणू
करी पैंजणे पायी अलवार रुणूझुणू
भुलू लागली ती झुलू लागली ती
प्रियाच्या सूरांनी बने बावरी ती.....
- सोनल मोडक
No comments:
Post a Comment